لاخوان والاخوات اعضاء هذا المنتدى الغالي
اتمنى ان تنال هذه الابيات المتواضعه على رضاكم
البارحة ساهـر ٍ كنـي علـى ملـه
قمت أتقلب وحلو النـوم مـا جانـي
با سباب غرو(ن) تولي القلب واحتله
صدفه تقابلـت انـا ويـاه بجيانـي
يا حي هاك الجمال وحـي هالطلـه
العنق عنق المهـا والعـود ريانـي
ما ظن يوجد بخلـق الله شبيـه لـه
وان كان له من حلي بـدار لبنانـي
انسانـي الاهـل والاولاد والفـلـه
يا عاذلي شوف حبه ويـن ودانـي
وزنيتي مـن بعـد شوفتـه مختلـه
والنظره اللي حدتني سهم شيطانـي
لكن ابتوب مـن درب الهـواء كلـه
لو كان قلبي خضر والزيـن فتانـي
شي ٍ يمـس الحيـا والديـن لا والله
وانا على نهج ابوي وسلـم جدانـي
الحب للعاشق الصـادق عذابـه لـه
هم وسهر واخر الاوقات خسرانـي
من عاف درب الغرام انشهد احسن له
والمعرفة والتجارب خيـر برهانـي
يا رب عفوك وسترك واغفر الزلـه
يا لله بما سولت نفسـي لا تبلانـي
الخميس أغسطس 23, 2007 1:40 pm