ياسنين العمر قومي وانتخـي عـذب المقـال
انتخي شعري .. غيابه طال مدري وش جراله
انتخينـي وانتخيـه وانتخـي بنـت الرجـال
نوف بنت الشامخ اللي مايـرده ماسعـى لـه
جيت ابحكي عن مشاعر عن دموع وعن سؤال
ما لقى قلبي جوابـه جاوبونـي فـي سوالـه
ليه منه يحرموني ؟ ويش ذنبـه يـوم قـال :
لي حياتـي واتركونـي اعشقـه ودي انالـه
يادموعي يا وفايـه مـا أدعـي كـل الكمـال
لكن اللي اعرف أنـي اعشقـه كلـي حلالـه
اعشقـه ويمـوت فينـي وافتديـه بـدون ال
شفت حبي في عيونه ونبض قلبي لادنـى لـه
أرتجيهم كل فاهم ومن ضرب صـدره ومـال
عن صوابه لأجل كلمه يرجع لنفسـه كمالـه
لو بتطلب منـه بنتـه دق صـدره ثـم سـال
مثل سيل الماء حنانـه يغـرق بحبـه عيالـه
جيت انا بطلبه طلبه لأن قلبـه يـوم .. قـال
أنتي اغلى بنت عندي وارتجى قلبـي وجالـه
اطلبه ( نبضي وحبي ) لايصير مـن المحـال
لأجل موقف مر وقته وبيـده يقـرر زوالـه
ياسنيني يكفي اللـي ماجرالـي مـن ظـلال
ودي بشمسه بعمري تشرق بقلـبً رضـا لـه
ارفع يديني لربي مـن خلـق اقسـى جبـال
ينزل الرحمه بقلب اللـي منـع عنـي منالـه
الأحد أغسطس 26, 2007 1:27 pm