الهوى والحب ما يمشـي سـوى بالقـوّه
لو أييه بزين أشوف الزين راكب راسي
العشق أصله شجاعه ومرجلـه ومـروّه
لو تزيد القوه فيني إيزيد فيني إحساسـي
لعنبـوا بنـتٍ جميلـه فاتنـه أو حلـوه
من سبايبهـا أمـوت وتنقطـع أنفاسـي
بنت محبوبـه وداخـل خافقـي مدعـوّه
تعشق عيونـي ولكنهـا تبـي إفلاسـي
ما أريد الموت لو ياني يجي مـن حـوّه
ما أباها إتعيش فيني ويبتلـي هوجاسـي
ما أباها إتقول يوم الـي براسـك سـوّه
ما أباها إتحس إنـي بالهـوى حسّاسـي
توّني بادي الهوى والحـب بـادي تـوّه
والعشق مثل البحر يحتاجلـه غطاسـي
العشق لا هو صداقه ولا ربـع ومخـوّه
ولا يصيـر إلا إذا إختلفـت الأجناسـي
لا هو لشخص ٍ فقير ولا لجامـع ثـروه
لا أميـر ولا أميـره حولهـا حرّاسـي
العشق للناس كلهـا بـس يبغـي قـوّه
ما يريـد إلا شجـاع وبالمحبـه قاسـي
ولي يلين ويستحي مـا بيتصافـا جـوّه
وأكثر أوقاته كئيـب وياكلـه وسواسـي
يا عساني بس ألاقي الفايـده المرجـوّه
مثل ما ألاقي عقالي وغترتـي وإلباسـي
يا عسان بالهوى ما أبتلـي فـي بلـوه
يا عساني ألتقي بإنسانه ترفـع راسـي
وقتها ,,, كل شي قلته ,,, ذاكره ممحوّه
ولي عليها أشتري عقد ٍ مـن الألماسـي
تلبسه وبالشال الأسود يا عرب مكسـوّه
تفتن عيوني بوقفـت عودهـا الميّاسـي
وأنحني ,,, ثم أنحني ,,, ثم أنحني بالقوّه
ثم أتأمل وأشوف البنت تركـب راسـي
الأحد أغسطس 26, 2007 1:32 pm