أسست سيسان ساس الشعر باحساسي
ابدع ومبدع وبدعـي يعجبـك بدعـه
مال الردي بيننـا ياخـوك مجلاسـي
خله على جنب حتى يفهـم الخدعـه
هاض الحشا والحشا لاهاض نبراسي
يضوي عليكـم ولايحتـاج للشمعـه
العلم واضح لاصار العلـم متواسـي
باضرب على الكايده وانظرلك بوضعه
ياما وياما كتبت الشعر مـن راسـي
لامن تهيض خفوقي مانطـر الفزعـه
ابدع جزيل المعاني مثـل الالماسـي
وادلع الشعر حتى يزين لـك سمعـه
واللي هجرني وصب المر في كاسي
بكره بيرجـع يـدور خـط للرجعـه
من صد عنـي وروح قالـي ناسـي
بصـد عنـه ونفسـه دوم مرتفـعـه
نفسي عزيزه مـاذل النفـس ياناسـي
لوكان حبه في وسط القلب له وقعـه
شاعر ويبقى قصيدي شامخن راسـي
مثل الذهب لابدعتـه يعجبـك لمعـه
لو كان قصد الحسود الهابي الخاسـي
يشطب قصيدي قليل الاصل والسمعه
مايدري اني قـوي العـزم والباسـي
ماهمنـي قـول نـاس" مابهـا نفعـه
ابدع ايلامن لفى همـي وهوجاسـي
ابدع ومبدع وبدعـي يعجبـك بدعـه
الأحد أغسطس 26, 2007 1:35 pm